أي إنسان

0 12

فهد المساعد
بعـد التعـب عـودت مثـل أي إنـسـان
بأنسى همومـي .. مثـل ما النـاس ناسيـن
قعدت أقلّـب فـي الفضـاء كـوم بلـدان
من شاشة لشاشة ولا أدري علـى ويـن
قلت أنبـش همـوم وكواليـس الأوطـان
و أشـوف هاللاهيـن فـي ويـش لاهيـن
أول قنـاة .. وفلـم عـن قصـة أخـوان
حبّـوا فتـاة وفرقـت بـيـن الاثنـيـن
ثاني قناة ووجـه أو لوحـة ألـوان
من لبسها .. وش لبسهـا ربـك يعيـن
ثالث قناة ورقص .. واضواء وألحان
أجسـاد معروضـة مـن يـديـن ليـديـن
رابع قنـاة .. وشـاب مـن بيـن نسـوان
يشرح لهـن بإمعـان عـن موضـة ألفيـن
خامـس قنـاة و مـن صبايـا لفـنـان
لا والله إلا زغــردي يــا فلسـطـيـن
سادس وسابع كلهـا حملـة أعـلان
ثامن وتاسع مثـل باقـي العناويـن
عاشـر قنـاة .. ومنظـر يهـزّ الأبــدان
من شوفته ضاقـت علـى دمعـي العيـن
قبلـه وأنـا تحـت الغمـا بيـن جـدران
حول الحطب وأقسى علـى البـرد ويليـن
بعده وأنـا تحـت السمـاء فـوق طوفـان
وأحـس فـي صـدري سـواة البراكيـن
منظـر طفـل دينـه نسـخ كـل الأديـان
مسلـم يعـرف الله قبـل ينطـق السـيـن
منظـر طفـل مسلـم مـشـرّد ومنـهـان
بيـن المطـر والبـرد والجـوع والطيـن
عاري وخايف..لأن كـم طفـل عريـان
فـي مثـل عمـره واندفـن قبـل يوميـن
جايـع ومـن كثـر القنـاعـة والايـمـان
يسكـت ويقـرا الحمـد ويـقـول آمـيـن
صوته عتاب..ورعشـة ايدينـه احـزان
و نظـرة عيونـه مثـل طعـن السكاكيـن
في قلب مـن لـه قلـب مفعـم بالايمـان
وفي عين من له في زمـان الدجـى عيـن
يـا الله ياللـي عنـدك الـنـاس سـيّـان
تجّار .. وضعوف.. وعبيد.. وسلاطيـن
حنّـا عبيـدك..وأنـت ياعالـي الشـأن
أدرى بخبـث وغطـرسـات الملاعـيـن
يـارب تدحـر كـيـد عُـبّـاد الاوثــان
و تعـزّ نـاسٍ همّهـا نـصـرة الـديـن

You might also like

Leave A Reply

Your email address will not be published.