الكبار كبار

عمر المطر ماقلت له ماجور
لين اقتنعت ان الرجال اشجار
وان القلوب اللي بدون شعور
مثل الغصون بدون اثمار
حتى لو لها في التراب جذور
ماراح تعطيها ولا مقدار
من غبتن وحده هل البابور
يستخرجون اللولو والمحار
هذا يزيد من غلاه الحور
وهذاك مايسوى ولادينار
مافي شي الا ولحقه قصور
حتى السنين التاليات قصار
وتكون الارض من الاوادم بور
ماهو من شان القبور كثار
اللي دفناهم بدون قبور
اكثر من الموتى بتسع اعشار
ماعاد في بعض الرجال صدور
من يوم اكلها الحسد ياستار
خل البنات ام العيون الحور
اثر الرجال من الرجال يغار
النور من يقدر يحجب النور
ياللي تحسب ان النجوم صغار
لاصار ماميزتها معذور
ماني بقايل لك وش اللي صار
وش ذنبي ان كان العيون العور
ماتقدر تشوف الكبار كبار
حتى ايش تشهد شهادة زور
وتحط راعي البيت مثل الايجار
ماجيت ابي ذكرك وانا مذكور
لو ماني بشاعر مع الشعار
ابوي قدامي خذاله دور
ماشغل فلوسه مع التجار
يلمها ويحطها في قدور
ويشب من حدر القدور نار

يوسف العصيمي