بسمة العين

لا قلت لك خلني تكفأ تخليني
النفس ضاقت وتعرف من مضيقها
ماني بحاجة علومك لو تسليني
بعٌد عن العين واحسن لو تفارقها
لا ضقت انا حتى روحي ما تدانيني
و إليا هدا البال غربها وشرقها
لو كان غيرك حرام انه يحاكيني
لو كان كل الدروب البيض يطرقها
تدري وش الي ذبحني و البلا فيني
بعرف عروق الغلا وشلون تسرقها
يمكن تكون الخيانة من شرايني
و لاحظوظك يجوز الله موفقها
ما قلت لاحدن سوا امي يا بعد عيني
وشلون خليتني لعيونك انطقها
ياروح روحي يا قلبي يابساتيني
يا بسمه العين ليه العين ترهقها
والله من زود حبك صنت رجليني
ما شفتني يوم اسوق الرجل وافهقها
انا بصفك واضيع وانشدك ويني
وشلون لا رحت جدراني اصفقها
ماتدري اني شريتك يوم تشريني
عشان حبك ابيع الخلق واحرقها

عبدالكريم الجباري

Print Friendly