خيط الجرح

0 127

بدر اللامي

صيام وحروفي لفت في ثاني صيامـي جميـع
ولسان حال لساني يقـول اسمـع العلـم اسمعـه
هذا زمان الإمعة والرخل والشخـص الوضيـع
وهذا زمان ندوس حلـق الإمعة واللـي معـه
ياحزن وين الليل يامرني وأنـا لجلـه أطيـع
يقظ خيط الجـرح الأول ليـن جرحـي يطلعـه
واواجه فتوق الزمان اللي غدت تأتـي جميـع
وأحطها بحلق الجروح اللـي غزتنـي واقطعـه
وأرجع أسولف للخفوق اللي غدى فينـي منيـع
الطيب لا تشبع منـه وحـاول إذا تقـدر جعـه
تدري وش أكثر شي يقهرني ويخلينـي أضيـع
رجل يقول ان الزمان اليا عصـا أمـرك طعـه
وتدري وش أكثر شي يجعل بال محسوبك وسيع
رجـل يفتـل شاربـه بالضيـق والا بالسـعـه
وتدري وش أكثر شي يشريلك مع الخلق ويبيع
مدت يديـن الطيـب دون حسـاب للـي تدفعـه
وتدري لو انك جيت رجل وقالك مـا أستطيـع
أبرك من اللي يمدلك حبـل الأمـل ثـم يقطعـه
وتدري وش أكثر شي يجعل صيت ابن آدم يذيع
لامن فعـل يسكـت ولا يرجـي أوادم تسمعـه
وإذا فعلت الطيب لا تنطر وش يجيلـك رجيـع
خلـه لـوجـه الله ولا تــدور وراه المنفـعـه
وبشت الشيوخ اليوم ضاع بساحة بشوت الربيع
والحين يلبسه الفعل مـن يـوم ضيـع موضعـه
والله يبارك بالخفوق اللي غدا لهمـي ضليـع
أسقاني حروف بعد ماهـو علـى فمـي جمعـه

You might also like