زين الصبايا

0 70

تركي لفى

والله اني من زمان ادور الزله عليها
دق جوالي وشلتـه وطلعـت زيـن الصبايـا
الهنوف اللي قبل ماتصد كنـت اشفـق عليهـا
كانت اول من سكن بيـن المحاجـر والحنايـا
والخفوق اللي جلستبـه كـان منـزل والديهـا
بس فجـأه وادعتنـي وخلفـت كـل النوايـا
مرت ابجنبي وقالت( باي) وتلوح بديهـا
قلت طيب فهمينـي دام حبـك لـه بقايـا
قالت انسى ياحبيبي وراحت اتطيّر عينيها
انت ياتركي ضحيه صرت من ضمن الضحايا
وانفجرت وصحـت عالـي مابيهـا مابيهـا
احرقوا كل الرسايـل واحرقـوا كـل الهدايـا
عفتها مـن اسفـل الرجليـن لعلـى حاجبيهـا
ليه دقيتي علـي وشوفتـك اكبـر خطايـا
حتى نفسـي ماتبيـك وقالـت الله ايهديهـا
قلت نفسي من شموخ الراس محمود السجايـا
وكـل كلمـة مـن لسانـي يابنيـة افهميـهـا
في فزعات المطيري وفـي طنخـات الطنايـا
يعنـي النفـس العزيـزه تعتليبـي واعتليهـا
قالت اسمعني بشوفك والوعد خلف الزوايا
لا اتأخر طلتـك اشفـق عليهـا واحتريهـا
وقمت اردد هاه …اجيها …ماابجيها شسوايـا
هاه يالله ابجيها ويش يعنـي لـو اجيهـا
وجيتها نفس المكـان وشفتهـا بيـن الصبايـا
وقبلت يمـي اتمشـى والموبايـل فـي يديهـا
واقربت مني …ومر ابجنبها زين الحلايـا
ولدتّ العين بعيونـه والحبيّـب لـد فيهـا
ويوم جتني قلت طسي مالـك بقلبـي بقايـا
والله اني مـن زمـان ادور الزلـه عليهـا

You might also like

Leave A Reply

Your email address will not be published.