“سلام يا دار الصباح” قصيدة في الفخر بالقيادة والكويت و”الحرس”

0 18

ألقى المقدم ركن مطر بدر قصيدة بعنوان “سلام يا دار الصباح” ، وتقول أبياتها:
سلام يا دار الصباح العريبين
روس الرجال اللي تفك النشايب
تاريخنا يشهد وتشهد لنا سنين
للسلم سلم وللحرايب حرايب
حنا تأسسنا بسبعة وستين
خمسين عام وللمعالي سبايب
نشمي على خطه ونظام وقوانين
وفينا طموح نطول سبع العجايب
رمز الشفافيه وضبط الموازين
وكلن خذا حقه بليا طلايب
حنا الحرس موقف مسجل بتسعين
يوم الصمود بضرب نار ولهايب
يشهد لنا دسمان والكل دارين
ويشهد لنا من كان حاضر وغايب
ومن الرجال اللي فدوها مضحين
تشهد لهم يا ناس عوج النصايب
حنا الحرس لكويتنا مستعدين
مجهزين للمعارك كتايب
حنا الحرس لأميرنا نحلف يمين
نمشي على أمره ما نهاب الصعايب
جينا على أمرك سيدي سباع ضارين
بوجيه راعين القشر والمصايب
سيوفنا تقطع أرقاب الشياطين
واللي يعادي دارنا رد خايب
قواتنا اللي مدربه بالميادين
تقنص هدفها والهدف دوم صايب
ومدرعه برشاش محور وتسعين
فيها مدافع مثل وبل السحايب
حنا الحرس للشعب والدار حامين
حنا الفخر والمجد وقت النوايب
حب الكويت وحب شيوخن عزيزين
حبن جمعنا مثل جمع القرايب
واليوم نقسملك على العهد باقين
عهدن يوصي فيه للطفل شايب
وحنا تحت قادة كرام وحكيمين
شيوخنا ما بين ريس ونايب”

You might also like

Leave A Reply

Your email address will not be published.