سلام يا فخر الخليج وحكيمه

0 127

ألقى المقدم يوسف محمد العتيبي قصيدة شعرية في ما يلي نصها:
“سلام يا فخر الخليج وحكيمه
يا طايل بفعلك على كل ما طال
يا ملتقى المسجد وهواه ونديمه
يا أسما سمو من الأسامي والافعال
قصايد ما هي لمثلك عقيمه
لو انجبت شعر معانيه جزال
أصبحت عنوان النوايا السليمه
قائد وإنسانيتك مضرب أمثال
والفصل عندك للأمور الجسيمه
ما فيه غيرك للصعيبات حلال
معك الكويت بعز ربي يديمه
قدت السفينة صح يا طيب الفال
والشعب بادلك الغلا من صميمه
محبته تبقى على مر الأجيال
حطيت للدولة مكانه وقيمه
ولبست من النهضة قلادة وسلسال
حتى المشاريع الكبار العظيمة
وقعتها في الصين وحققت الآمال
وهذا جسر جابر بنته العزيمة
فوق البحر يقطع مسافات وأميال
في عهدك نعيش برفاه ونعيمه
هذي حقيقه ما تبي شك وجدال
ويمناك أبو فيصل عدو الهزيمة
نواف أخو مشعل على العهد ما مال
شيخ التواضع والأيادي الكريمة
الي كرمها كنه الغيث همال
يا شيوخنا نور الليالي العتيمه
حضوركم تشريف والقلب مدهال
يبقى وطن والنوايا مقيمة
ناره لنا جنه وشمسه لنا ظلال
يا مزور الاخبار كذب ونميمه
بعت الوطن برخيص يا عابد المال
لا تحسب إنك فالت من الجريمه
لابد من يوم له الحق معدال
اضرب يابو ناصر يا مال الغنيمه
من خالف القانون في كل الأحوال
الفاسدين أهل العقول السقيمه
فسادهم أكبر خيانه واذلال
معك الرجال اللي تذب الخريمه
وتطبق القانون مثقال مثقال
سور الوطن مثل الحرار العديمه
ارجال الامن امطوعت كل محتال
والخاتمه يا كويت منتي يتيمه
ما دام أبو ناصر وشعبه لك رجال”.

You might also like