سيد الجوخ

معجب الصقيري

ماجيت ابمسح جوخ يا سيد الجوخ
ولا جيت انمق في حضورك كلامي
انا بشر من كثر ما فيني شموخ
اجبرك لا من جيت غصب احترامي
تزعم بانك شيخ ومن ترثة شيوخ
ما ثار ما تزعم فضول اهتمامي
ان كان ماجيتك على العز مطنوخ
ما جيت اضيع في ربوعك مقامي
فيني جمل لا ثار لا يمكن ينوخ
يحرم علي لو ناخ لذة منامي
وان كان بشتك شالته حفنة دلوخ
كرامتي بالصفل الاول امامي
لو ترسم لنفسك جبل فوقه الكوخ
ماني مطير في ظلالك حمامي
ولو ما بقي فوق النخل غير شمروخ
اشيل حملي لو تكسر عظامي
ولو ماتت من الجوع في عشي فروخ
ما ذل نفسي لجل لقمة طعامي
وان كان صرحك من ع السور مشروخ
ما بيني جدارك بقايا حطامي
وان كان صدرك من هوا الكبر منفوخ
يضيق صدرك في خفايا ظلامي
لا ترفع عيونك على سهيل وتدوخ
لولا الطمع ما ضاع حلم الحرامي
يا للي زرعت الشوك لا ترجى الخوخ
لابد ما تجنيه وتذكر كلامي