عشرة جروح

0 60

مدغم أبوشيبه

أنثر على خدي من الدمع وانوح
لين المدامع جف ماهن وباحن
ومشاعري شان لاصير مفضوح
أكذب على نفسي واقول استراحن
أهدي اعصابي وانا افور وافوح
لوفوقي الدلة والابريق فاحن
لني فقدت الروح مع توأم الروح
أغلى ثلاث ن في حياتي وراحن
راحن وباب القلب للحزن مفتوح
والنوم عن عيني دروبه تناحن
ورثت من مرواحهن عشرة جروح
اسكت وهن سكوت ون صحت صاحن
والى لزمت الصمت ماودي ابوح
تجردن من صمتهن واستباحن
يال النصيب اللي كتب لي على اللوح
علقتهن بين المحاجر وطاحن
طاحن ويوم الظل ميل على الدوح
كن الحمايم في ضلوعي تلاحن
ياكسرة الخاطر وياقصرة الشوح
ضحيتين الحرب والحرب طاحن
قفن عن عيوني بروق نلهن ضوح
واتلا العهد في شوفهن عقب لاحن
زينة حياة, ونصف دين, وغذا روح
أغلى ثلاث ن في حياتي وراحن

You might also like

Leave A Reply

Your email address will not be published.