علم الاحياء

درست انا من قبل في علم الاحياء
ان القلوب أحجامها ما تشابه
قلب ملاه الخير من بين الاحشاء
وقلب ملاه الشر بأول شبابه
و قلب كبير ولا شكى كثر الاعباء
وقلب صغير ولا تحمل مصابه
بعض البشر قلبه مثل بنك الانماء
حرّك رصيدك لا يقفل حسابه
وبعض البشر قلبه مثل عين الاحساء
ماضرها جو الحسا في ترابه
وبعض البشر قلبه على حسب الاجواء
بيت الردا والطيب مفتوح بابه
وانتي ترا قلبك تحركه الاهواء
مثل العجاج اللي يجيب السحابه
رفقاً بنا تكفين يا بنت حواء
تفاحتك جابت ل آدم كئابه
اما نعيش الحب من تحت الاضوا
ءوالا يموت الشوق محدٍ درابه
ياكثر ما طاحت من عيوني اسماء
ضاقت بهم عقب الغلا والرحابه
قبلك تعلمنا قوانين الاقصاء
واللي غلط لابد ياخذ عقابه
لكن خذلنا الوقت في فن الالقاء
وقلب على الساحر طقوس الخرابه
ياكثر كم الاسئله وقت الاصغاء
لكن من اللي يقنعك في جوابه
ومشاعري لو تنكتب مثل الانشاء
تمشي على بعض العرب والقرابه
ومحدٍ يدقق لي على بعض الاخطاء
ماني منافق في زمان الصحابه
لكن كتبت الشعر بلسان عصماء
صعبه تعدي من مقص الرقابه
ماعرف اجامل وانحني وقت الارضاء
واشق ثوب العقل عقب المهابه
ولا كتبت الشعر من اجل الاطراء
ولا كتبته لجل اكمل نصابه
شاعر عطاه الله من الشعر ما شاء
لاكن بلاه الله بكثرة غيابه
اليا رقص حرفه وسوى لي اغراء
اذوب انا في رمش عين الكتابه
وامسك يدين الحرف خايف ومستاء
ما ودي يفقد من جنوني صوابه
وارقص معه وارقص الى حد الاغماء
وارسم على وجهه ملامح عذابه
يمكن انا اللي فسر الماء بالماء
واعلن مع الثوره ظروف انسحابه
وان كان شعري ما جلب غير الاعداء
لا بارك الله فيه حضرة جنابه
ماجيت ادور حل يادار الافتاء
بيدي حكمة الشعر حد الحرابه
واعيش انا وسط البشر بين الاصداء
واقول مات الشعر عقب انقلاب
هليه اليمامه كذبت عين زرقاء
هذا السؤال اللي يجيب الغرابه
كُبر الغلط ما يمنعك تاخذ اجراء
لو فاض بحر الشعر وقطع ثيابه
ليتي فهمت الدرس يا استاذ الاحياء
كان اسألك ليه البشر ما تشابه

معجب الصقيري