فزولها

0 7

ناصر بن دهيم

مرت علينا واستحت كنها تلاعب بالجمال
وأنا من الفرحه اغني يابشر فزولها
القلب ينبض بالفرح والعين بكاها الوصال
يافرحتي بقدومها ويافرحتي بوصولها
ياهل التدلع والترف جتكم عناوين الكمال
اللي تبادلني الغلا لاني انا مجمولها
دلوعتي مضرب مثل الا خلقها الله مثال
الورد ينبت لاتهادت ويتفرعن حولها
لاشفتها شفت الحقيقه تستوي ويالخيال
لا وقفت هذا الخيال اما الحقيقه زولها
سبحان من خلا التواضع يضحكلوجه الدلال
مير البلا شفت التواضع والدلع في طولها
المشكله لاشفتها انسى الحرام من الحلال
الا عساني منهبل واصير انا مهبولها
العين لاطاحت على كنها تقول ارحب تعال
غصب على أطلع حلو من شان بس انولها
لا نادت اسمي بصوتها يضيع حال وزان الحال
دلوعتي من مثلها كلمهو انا مسؤولها
جمالها اصلا اجابهمالها اي سؤال
قد قالها خالد طرب وانا بعد بقولها
لاجاتني حبيبتي بصيح وأصرخ بانفعال
فزولها حبيبتي حبيبتي فزولها

You might also like

Leave A Reply

Your email address will not be published.