ليلة البارح

0

عبدالرحمن الشمري

عللتني ليلة البارح تعاليل المحبه
ليلة من قبل لا يرضى بها العاشق غصيبه
ما تنكر عن هواه ويوم جاته ما تنبه
يحب ان اللي يبي يوديه ما لازم يجيبه
هو لقى طب لخفوقه نب نشوفه وين طبه
او بعد مثله مثل غيرة تجاريحه عطيبه
لو درى عن غيب حظه ما ندب حظه وسبه
كان يكفيه يتمعنى بالجلادة ويهذيبه
وان تغنى بالعنود اللي بها الظبي يتشبه
ما يلومونه عواذيله ولا يزعل قريبه
ما يناديها معاهم يازبيبه يا عنبه
وان بغى ينادي وراهم يا عنبه يا زبيبه
روحت لقصى الشمال ولا سكر عني مهبه
ول يا ذكرى حبيبا ما نسى لحظه حبيبه
الموادع هشم اضلوعه ودمعه في مصبه
ما حدر من حر ما به يا عناه ويا لهيبه
ينتهي بأول طريق لا بداه ولا عتبه
ويتحمل في شبابه قبل ما يبدى مشيبه
كفر اذنوبه وغيرة لو خطى ما خاف ربه
ليش ما فرعون مات وتوبته خضره
رطيبه هو خذاها لقمتين وعقبهن حبه وحبه
او نصيبه هو كذا لا بارك الله في نصيبه
علقوا له يومه اصغيرون دندوشه ولبه
وبدلوهن يوم هو شيب تبرزيله وخيبه
كنت اعذله عن علوه فوق لا يثقل مطبه
ولا سمعني لين طاح وكل شي وله ضريبه
ما بكاه ولا تشمت به سواي ولا لعبه
غير مخفاه قلبا قد خذا قلبي نهيبه
عودة جنبه عقب هاك النعومة مثلهبه
كأنها حرة هيثم من الحفا يلتاع ذيبه
أرهمت له مهرة الحاكم وحسبها مقبه
ما درى عنها عسى القوم تاخذها هليبه
قلت يا برد الليالي ما يدفي الوصل جبه
ما نفح طيبك عشان اشره على نفحات طيبه
جيت مقبل لك سعد وانتي على وجهك مكبه
ولا رفعتي لي طرف حاجب وأنا اركابي تعيبه
واقفا و اومي و انادي يا هلا الخيل المشبه
وين من حالبة أمه فوق خشمه من حليبه
دوه مني كل نور وكل نار وكل هبه
وان بغى نجوم الثريا في شليله غير اجيبه

You might also like

Leave A Reply

Your email address will not be published.

ثمانية عشر + اثنا عشر =