مثل الطيور

0 118

يوسف الشطي
من قال لك إن الغلى ينبت على جروحي كذب
وإن السما تاطي الثرى وإن الأمل عاجز ضرير
من قال إن اللهب نزف من عروق الحطب
وإن الصبر ما ينثني وإن الوفا طفل صغير
الحب أسمى ما يكون ما يحتمل حزن وتعب
ما يحتمل دمعة ودم وخفاق مهضوم كسير
أرجي من الله ما تخون قلب تلوع والتهب
ومن خان بقلوب البشر ماله في هالدنيا نصير
جيتك وانا كلي امل الحرف بشفاهي ذهب
احمل احاسيس الضما والشمس هي حلمي الأخير
لي قلب من شافك تعليم كيف يشتاق ويحب
ولي قاف من شافك تعلم كيف يشتاق ويغير
منك تعلمت الحزن منك تعلمت الغضب
منك تعلمت انكسر كثر الطيور اللي تطير
منك تعلمت اندفن تحت الدفاتر والكتب
وأعانق الموت بفرح وأفرح مدام إنك بخير
يا نبض من طال السهر عقله وقلبه والهدب
هذي شظايا كل جرح صاح باعماق الضمير
صارت ثواني حبنا حتى بوطنها تغترب
واجمل أحاسيس العمر دمعه على دمعه تسير
وصارت عيوني بسبتك تنساق للدمعه غصب
وصرت حياتي بلا بـدايه بلا نهايه بلا مصير

You might also like