ميت ضما

عشقت غيدا سمّحتني عـن الغيـد
اقول والا بس مانيـب قايـل
ميت ظما والعد صعب المواريـد
وبذلت من شانه جميع الوسايل
والشربة اللي من حياض الاجاويد
تقطع ظما هدف الضلوع النحايل
يانوووف جيتك من ورا نازح البيد
بالراس مايحتاج رد الرسايـل
وان كان ماضمّدتي الجرح تضميد
تحملي شرهة عيال الحمايـل
وانا دخيل الصدر والثغر والجيـد
ارخي علي شلال شقر الجدايل
هذي تكفينـي مـن العيـد للعيـد
وانا علي يا نوف رد الجمايل
احظنك باشواقي من الايد للايد
وشعرك على هالك المبيسم تمايل
يا قوم يا مبسم نجاح المساعيد
انتي مثل تضرب عليه المثايل
حبي وحبك حب عليا وابوزيد
والا مثل حب الطنايا لحايل

سلطان الهاجري