زمان العجايب

0 901

نايف الرشيدي

شفت العجايب في زمان العجايب
و أجاهد العيشه و لـّو مابها عيش
راحت مصايب .. ثم لفتني مصآيب
صارت على ما قيل مثل المطاريش
أنا صغير السـّن و أصبحت شـآيب
من وقتي اللي شوّش الفكر تشويش
انطح كتيبه .. ثم تجينـي كتآيـب
معها .. سيـوفً مرهفـاتً مبـآطيش
ووجه الفرح وينه ووين الحبايب
خلـّوني لـحالي علـى همـّي آآعيش
حتى بـ سمآآيه كانت أبـّها سحايب
ثم روّحت تبخل عليّ بـ الرشاريش
وأرضي بها شوك و سراب و لهآيب
و الجـّو أمسـى ديـرةً للخفـآفيـش
لـكـنّ مـع هذآ و كثـر النشـآيب :
لآ زلت حلاّل الأمور المبـاليـش
أسوق رجلي لـ القمم دون نآآيب
متوكلً بـ الله و عزمي مهو طيـش
و أنا عدوً لـ الجروح العطايب
صابر ولوّ جرحي لفآني على جيش
و أنا الجبل مآ : حرّكته الهبـآيـب
و أنا مكآني فوق عند اشقر الريش
رغم الدهر و الحظ لوّ كان خايب
لـ أمشيك يا دربي وأهين الأكاديش

You might also like